हजुरबाको गैरी खेतमा, बनमाराको घारी ।
गरिखान जवान छोरो, पुग्याे बोर्डर पारी ।।
याे देशका नेताहरु, संधैभरी मोजमा ।
युवाचाँहि भाैंतारिए, रोजगारीको खोजमा ।।
काेहि पुगे मलेसिया, कोहि अरब खाडी ।
बिदेसिन बाध्य भए, आफ्नो मुलुक छाडि ।।
बुढा भा’का बाबुआमा, बस्छन् घरमा एक्लै । गणतान्त्रिक नेपालको, कहानी छ बेग्ले ।।
छोरा आउने बाटो हेरी, बित्यो तिहार दशैं ।
साहुकाे ऋणले सर्नुपर्ने, भएको छ बसाइँ ।।
यो देशमा फटाहाले, ओगट्या’छन् सत्ता ।
जनतालाई करकाे भारी, तिसहजारलाई भत्ता ।।
देश टुक्र्याएरै भएपनि, गरेकाछन् चैन ।
दुस्मनले बाेर्डर मिच्याे, यिनलाई थाहै छैन ।।
मुलुकलाई कंगाल् बनाई, गरेकाछन् मस्ति ।
यिनका शासन खेप्दा भयाे, जनतालाई सास्ती ।।
<><><><><>
(उमामहेश्वर मार्ग, कुमारीगाल, कामपा-७)