Fast Nepal News

कोरोना पिडितका लागि आएको रकम बितरणमा परोहा नगरप्रमुख शेख वकिलले अनियमितता गरेकाे आरोप

परोहा नगरपालिकाले २ बर्ष आगाडी कोरोना पिडितलाई सहयोग रकम वितरण गर्न एक सहकारी संस्थालाई दिएपनि हाल सम्म सबै जनालाई वितरण नगरे पछि अनियमितता नै भएको दाबी गरेका छन् ।

banner single news

प्रेमचन्द्र झा

२५ भदौ,राैतहट-नेपाल सरकारले कोरोना पिडित जनतालाई सहयोग गर्न दिएको अनुदान रकममा अनियमितता भएको स्थानीयले आरोप लगाएका छन । परोहा नगरपालिकाले २ बर्ष आगाडी कोरोना पिडितलाई सहयोग रकम वितरण गर्न एक सहकारी संस्थालाई दिएपनि हाल सम्म सबै जनालाई वितरण नगरे पछि अनियमितता नै भएको दाबी गरेका छन् । नेकपा माओवादीका नेता तथा परोहा नपा वडा नम्बर ४ का वडा प्रत्यासि अमिन्द्र यादवले दिएको जानकारी अनुसार पालिकामा क वर्गको प्रभु वैक परोहा शाखा हुदा हुँदै पनि काखापाखा गर्ने मनलाग्दी गर्ने नियतले पुजनिय सहकारी संस्थाको खातामा रकम पठाई नगर प्रमुख शेख वकिलले नियतबस भ्रष्टाचार गर्न खोजेको आरोप लगाएका छन् ।

नगरप्रमुख शेख वकिल र पुजनिय सहकारी संस्थाले रकम हिनामिना गर्न खोजेको आरोप लगाउदै स्थानिय युवा ईन्जिनियर सतेन्द्र प्रसाद यादवले बुधवार सम्म सबै करोना पिडितलाई रकम वितरण नगरे नगरपालिका घेराउ गर्ने सामाजिक सञ्जाल मार्फत चेतावनी समेत दिएका छन् ।
नगरप्रमुख शेख वकिल र पुजनिय सहकारी संस्थालाई करोना पिडित जनताको लागि आएको सहयोग समयमा वितरण गर्नु पर्दछ नियत भएको भए २ वर्ष देखि पकै रोकेर राख्दैन थिए नेता यादवले बताए ।

Inside Article Ads

परोहा नगरपालिकालाई नेपाल सरकारले करोना पिडितलाई सहयोग गर्न ससर्त अनुदान शिर्षकमा ९० लाख रुपैया पठाएको र रकम फ्रिज नहोस भनी सहकारी संस्थाको खाता रकम पठाउन लगाएको नगर प्रमुख शेख वकिलले वताए । सबै वडामा रकम बितरण भई रहेको दाबी गर्दै अब ३० लाख रुपैयाँ मात्र वितरण गर्न बाँकी रहेको बताए ।

वडाको सिफारिसमा नगरपालिकाले उक्त रकम वितरण गर्न निकै कठिनाई भएको र चुनाव बिचमा परेका कारण पनि आफुले बदनाम हुने डरले केही समय रकम रोकेर राखेको नगर प्रमुख शेख वकिलले स्विकार गरेका छन् ।

Visited 11 times, 1 visit(s) today
Above Samachar
यो पनि पढ्नुस

प्रतिक्रिया

Your email address will not be published.