किंग्सटन — २९ श्रावण २०७८
किंग्सटन, वेस्ट इन्डिज र पाकिस्तानबीच बिहीबारदेखि सुरु भएको पहिलो टेस्टको पहिलो दिन पूर्णत: बलर हाबी भएका छन् । दुवै टिमबाट गरेर १३ विकेट खसेका छन् । दिनको खेल टुंगिँदा वेस्ट इन्डिज दुई रनमा दुई विकेट गुमाएर दबाबमा आइसकेको छ ।
उसका लागि एक रनमा खेलिरहेका कप्तान क्रेग ब्राथवेट र रोस्टन चेजले दोस्रो दिन ब्याटिङ सम्हाल्ने प्रयास गर्नेछन् । यसअघि पाकिस्तान आफ्नो पहिलो इनिङ्समा २ सय १७ रन मात्र बनाएर अलआउट भएको थियो ।त्यसमा फवाड आलमले ५६ र फहिम अराफातले ४४ रन बनाए । वेस्ट इन्डिजका बलरमध्ये जेडन सेल्स र जेसन होल्डनले तीन–तीन विकेट लिएका छन् ।
(कान्तिपुर दैनिक)
Visited 6 times, 1 visit(s) today