आयरल्याण् ‘ए’ विरुद्धको दोस्रो एकदिवसीय खेलमा नेपालको उत्कृष्ट शुरूआत

त्रिवि क्रिकेट मैदानमा टस  जितेर पहिले बलिङ रोजेको नेपाल ‘ए’ले आयरल्याण्ड ‘ए’ विरुद्धको दोस्रो एकदिवसीय खेलमा उत्कृष्ट शुरूआत गरेको छ ।
नेपालले शुरूआतमै चार विकेट हात पारेको छ ।

सातौ ओभरको खेल चलिरहँदा नेपालले आयरल्याण्डका महत्वपूर्ण चार ब्याटरलाई आउट गरेको हो । नेपालका शाहब आलमले दुई विकेट लिए भने रिजन ढकालले एक विकेट लिएका छन् । आयरल्याण्डका एक ब्याटर रन आउट भएका छन् । आयरल्याण्ड २५ रन बनाएर नेपाली बलरविरुद्ध संघर्ष गरिरहेको छ ।

शृङ्खलाको पहिलो खेलमा आयरल्याण्ड ‘ए’ २१ रनले विजयी भएको थियो । यसअघि भएको टी–२० शृङ्खलामा आयरल्याण्ड ‘ए’ नेपाल ‘ए’ माथि २–१ को जित निकालेर प्रतियोगितामा सक्रिय भएको थियो ।