Fast Nepal News

ऐतिहासिक पदक जितेकी पलेशा गोवर्धन कमलादीस्थित युनिग्लोब माविबाट सम्मानित

banner single news

काठमाण्डौ । चीनको हाङ्झाओमा सम्पन्न चौथो प्याराएसियाली खेलकुदअन्तर्गत तेक्वान्दोमा ऐतिहासिक पदक जितेकी पलेशा गोवर्धनलाई कमलादीस्थित युनिग्लोब माविले सम्मान गरेको छ । ऐतिहासिक उपलब्धीसहित नेपाललाई प्याराएसियाली खेलकुदमा पहिलो पटक पदक दिलाउन सफल रहेकी पलेशालाई विद्यालयले २५ हजार नगदसहित सम्मान गरेको हो । पेलेशा युनिग्लोब माध्यमिक विद्यालयकी पूर्व छात्रा हुन् । उनले युनिग्लोबबाट कक्षा १२ उत्तीर्ण गरेकी थिईन् ।

अक्टुबर २२ देखि २८ सम्म आयोजना भएको प्याराएसियाली खेलकुदअन्तर्गत के–४४ विधाको ५७ केजी तौल समूहमा प्रतिस्पर्धा गर्दै तेक्वोन्दोमा पलेशाले क्वार्टरफाइनलमा चीनकी लिटिङ याङलाई १४–१ ले पराजित गरेकी थिइन् । यससँगै पलेशा प्याराएसियाली खेलकुदमा पदक जित्ने पहिलो नेपाली महिला खेलाडी बन्न सफल भईन् । पलेशाको यस ऐतिहासिक जितको अवसरमा युनिग्लोब सेकेन्डरी स्कुलका प्रिन्सिपल डा गणेश रेग्मीले उनको उल्लेखनीय उपलब्धिका लागि बधाई दिएका छन् । पलेशालाई विद्यालयले सम्मान गर्दै गर्दा उनका बुवा र आमा समेतसँगै थिए । विद्यालयले छोरीको सफलताको कदर गरेकोमा उनका बुवा प्रदिप गोवद्र्धनले खुसी व्यक्त गरे ।

त्यसो त, सन् २०१७ मा लन्डनमा भएको विश्व प्यारातेक्वोन्दो च्याम्पियनसिपबाट अन्तर्राष्ट्रिय करिअर सुरु गरेकी पलेशाले २०१८ मा भियतनाममा सम्पन्न चौथो एसियाली प्यारा तेक्वोन्दो च्याम्पियनसिपमा नेपालका लागि कास्य पदक दिलाएकी थिइन् । सन् २०२१ मा बहराइनमा सम्पन्न एसियाली युथ प्यारा गेम्समा उनले ऐतिहासिक स्वर्ण पदक पनि जितेकी थिईन् ।

Inside Article Ads

पलेशा हाल चीनको सांघाईस्थित टोङ्जी विश्वविद्यालयअन्तर्गतको कलेज अफ आर्किटेक्चरमा अध्ययनरत छिन् ।

Visited 65 times, 1 visit(s) today
Above Samachar
यो पनि पढ्नुस

प्रतिक्रिया

Your email address will not be published.