नेपाली अर्थतन्त्रको खराब स्थिति

५ माघ, काठमाडौँ- नेपाली अर्थतन्त्रले इतिहासमै नभोगेको खराब परिस्थिति सामना गर्नु परिरहेको भनेर व्यवसायीले चर्को गुनासो गरिरहेका बेला नयाँ सरकार गठन भएको छ। आगामी आर्थिक वर्षको बजेट तर्जुमा गर्नुपर्ने बेला पनि हुन थालिसकेको छ ।

माघदेखि अर्थ मन्त्रालयले आगामी वर्षको बजेट बनाउने प्रक्रिया सुरु गर्नेछ । हालैमात्र सार्वजनिक भएका केही तथ्यांकहरुले अर्थतन्त्रका कतिपय सूचक सुधार उन्मुख भएको तथ्य देखाइरहँदा धेरै अर्थशास्त्रीहरु भने अहिले पनि जोखिम उत्तिकै पेचिलो भएको भन्न छोडेको छैनन् । यसले तत्कालै गर्ने र नयाँ बजेटमार्फत अघि सार्ने नीतिहरुबारे अर्थ मन्त्रालयको नेतृत्व भने अन्योलमै देखिएको छ। नयाँ सरकारले नेपाली अर्थतन्त्र जगतको विकासमा कस्तो भूमिका निर्वाह गर्छ त्यो भने हेर्न बाँकी छ।