केही प्रतिनिधि छेस्का कविताहरु

नियमितरूपमा छेस्का कविता प्रकाशन गर्ने क्रममा यसपटक छेस्का साहित्यका नाैजना अभियन्ताहरुद्वारा लिखित छेस्का साहित्यकाे प्रथम ऐतिहासिक पुस्तक “अभिव्यञ्जना” नामक संयुक्त छेस्का कविता सङ्ग्रहबाट प्रत्येक सर्जकका एक-एक वटा छेस्का कविता साभार गरि प्रकाशित गरेका छाै । जसरी कसाैंडीभित्रकाे भात पाक्याे कि पाकेन भनेर थाहा पाउन एउटै सीता छाम्नु काफी हुन्छ, त्यसैगरी यी एक-एकवटा प्रतिनिधि छेस्काहरुबाट पनि पुस्तकभित्रका बाँकी छेस्काहरु कस्ता हाेलान् भनेर सहजै अनुमान लगाउन सकिन्छ ।
सत्ताकाे मात
देख्दैन आँखा
दिउसै रात !
✍️ ओम आचार्य,
अर्घाखाँची, हाल: काठमाडौं।
~~~~~~~
फेरिन्छ पात्र
चरित्र उस्तै
निराशा मात्र !
✍️ किशन पाैडेल,
हेटौंडा-४, मकवानपुर ।
~~~~~~
भन्दैथ्याे अस्ति
आज भनेन
पूर्णिमा जस्ती !
✍️ खगेन्द्र वस्याल,
तिलाेत्तमा, रुपन्देही ।
~~~~~~
नपराैं दङ्ग
देखियो ढङ्ग
फेर्ने हुन् रङ्ग !
✍️ जयनारायण नेपाल,
ईलाम, हाल: भक्तपुर ।
~~~~~~~
नेपाली सान
वीरता गान
खाडीमा प्राण !
✍️ टंक पन्थ,
तानसेन, पाल्पा ।
~~~~~~~
पाेगटाे धान
अन्नविनाको
भाे संविधान !
✍️ मुरारीराज मिश्र,
कुमारीगाल, काठमाडौं ।
~~~~~~~
ढुङ्गामा आस
मान्छेमा छैन
कुनै विश्वास !
✍️ एलपी पराजुली,
कपन, काठमाडौं ।
~~~~~~~
भजन गाए
लुसुक्क छिरे
कुन्नि के पाए ?
✍️ विनोद नेपाल,
पाेखराथाेक, पाल्पा ।
~~~~~~~
धमिलो घाम
उताका साथी
बासी सपना !
✍️ हृदय लेकाली,
सिद्धार्थनगर, रुपन्देही ।
~~~~~