मृतकको संख्या घट्यो, शनिबार १८७ जना संक्रमितको मृत्यु, ५,४५५ जना डिस्चार्ज

काठमाडौं, जेठ १ – नेपालमा पछिल्लो २४ घण्टामा कोरोना भाइरस संक्रमणका कारण १८७ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ४ हजार ८५६ पुगेको छ ।

अघिल्लो दिन शुक्रबारको तुलानमा मृतकको संख्या आज केही घटेको हो । हिजो २०३ जना संक्रमितको मृत्यु भएको थियो ।

यस्तै आज ५ हजार ४५५ जना संक्रमित डिस्चार्ज भएका छन् । यो सँगै नेपालमा कोरोना भाइरसलाई परास्त गर्नेको संख्या ३ लाख ३३ हजार १०८ जना पुगेको छ ।