विमानस्थलको पार्किङ महसुल दर महँगो भएको भन्दै ट्याक्सी व्यवसायीहरू आन्दोलित

मनिका पौडेल /समाचार लेखक

२१ चैत,काठमाडौँ -विमानस्थलको पार्किङ महसुल दर महँगो भएको भन्दै ट्याक्सी व्यवसायीहरू आन्दोलित भएका छन्
। हाल त्रिभुवन विमानस्थल क्षेत्रमा ट्याक्सी कार पार्किङको लागि प्रति घण्टा ८० रुपैयाँ तिर्नुपर्छ। यसभन्दा अघि जम्मा २० रुपैयाँमा प्रतिघण्टा ट्याक्सी पार्किङ गर्न सकिन्थ्यो।

तर पछिल्लो समय आइएमएसले पार्किङको जग्गा भाडामा लिएपछि हरेक साधनको पार्किङ शुल्क बढाउन थालेको संगठनको भनाइ छ।ट्याक्सी व्यवसायीहरूले विमानस्थल क्षेत्रमा यतिबेला आफ्नो पुरै सेवा ठप्प पारेका छन्। नेपाल यातायात स्वतन्त्र मजदुर संगठन एयरपोर्ट मिटर ट्याक्सी इकाई कमिटीको अगुवाईमा उक्त आन्दोलन जारी रहेको छ ।