४ श्रावण,काठमाडौँ-शिव परियारको स्वरमा रहेको नयाँ गीत चर्चामा छ । गितलाई दर्शक/श्रोताले मन पराईरहेका छन् । सार्वजनिक ‘सुरा र सुन्दरी’ बोलको गीतको भिडियोमा अभिनेता पुष्कर राउत र मोनिका बुढाथोकीको अभिनय रहेको छ । भिडियोमा हरि मानन्धर विवशको शब्द रचना र सुरेश गैरेको संगीत रहेको छ ।
बिनय राज पौडेलको निर्देशन रहेको म्युजिक भिडियोलाई रामेश्वर हुमागाईले खिचेका हुन् । सविन घिमिरे, दिपक शाह र पवन लामाको लगानी रहेको भिडियोमा हरि शर्मा, बिनोद बुढाथोकी, कृष्णभक्त निरौला र बिद्या निरौलाकोे पनि अभिनय रहेको छ । भिडियोमा रवी केसीको मेकअप, मिलन विश्वकर्माको कलर र पदम सुवेदीको सम्पादन रहेको छ ।
भिडियो ओएसआर डिजिटलको अफिसियल च्यानल मार्फत सार्वजनिक गरिएको छ । गित राम्रो बनेको निर्देशक बिनय राज पौडेल बताउनुहुन्छ। गितले राम्रो चर्चा बटुलिरहेको र आफू निकै उत्साहित रहेको मोडल पुष्कर राउत बताउनुहुन्छ।