बुधबार स्थानीय बजारमा सुनको मूल्यमा नयाँ रेकर्ड कायम भएको छ ।
अन्तर्राष्ट्रिय बजारसमेतमा उकालो लागेको सुन बुधबार प्रतितोला रु एक लाख ५३ हजार कायम भएको छ ।
नेपाल सुनचाँदी व्यवसायी महासङ्घका अनुसार छापवाला सुन प्रतितोला रु एक लाख ५३ हजारमा कारोबार हुने गरी निर्धारण भएको छ । मङ्गलबार प्रतितोला रु एक लाख ५२ हजार दुई सयमा कारोबार भएको छापावाल सुन आज रु आठ सयले वृद्धि भई नयाँ रेकर्ड कायम गरेको हो ।
यस्तै, चाँदीको मूल्य तोलामा रु १५ ले बढेको छ । मङ्गलबार प्रतितोला रु एक हजार आठ सय २० मा कारोबार भएको चाँदी बुधबारका लागि भने रु एक हजार आठ सय ३५ निर्धारण भएको छ ।
Visited 10 times, 1 visit(s) today