रूपन्देही — ३० कात्तिक २०७८
रूपन्देही , नेपाल विद्युत् प्राधिकरणका कार्यकारी निर्देशक कुलमान घिसिङले उद्योगीलाई प्राथमिकतामा राखेर प्रसारण लाइन र विद्युत् सबस्टेसन निर्माण तीव्र पार्न सम्बद्ध निर्माण कम्पनीलाई निर्देशन दिएका छन् । लुम्बिनी र गण्डकी प्रदेशका विभिन्न आयोजना अनुगमन गरेका घिसिङले परासीदेखि भैरहवासम्मका औद्योगिक करिडोर क्षेत्रका उद्योगलाई बिजुली उपलब्ध गराउने गरी निर्माण भइरहेका प्रसारण लाइन र सुनवलको सब–स्टेसन निर्माण तीव्र पार्न निर्देशन दिएका हुन् । नवलपरासीको विनयी त्रिवेणी गाउँपालिकास्थित सर्दीमा सञ्चालित होङ्सी सिमेन्ट उद्योग परिसरमा शनिबार विद्युत् प्राधिकरणका कार्यकारी निर्देशक कुलमान घिसिङलगायत करिडोरअन्तर्गतका झन्डै एक दर्जन उद्योगलाई मागअनुसार बिजुली दिने गरी सुनवलमा १४८ केभीए प्रसारण लाइनको सब–स्टेसन बनिरहेको छ । एनर्जी प्याक सिग्नापन जेभी कम्पनीले निर्माण गरिरहेको सब–स्टेसनको काम ढिलो भएको र आगामी मार्चभित्र निर्माण नसकिए निर्माण व्यवसायीलाई कारबाही गरिने पनि बताए ।
( कान्तिपुर दैनिक )