१४ कार्तिक, काठमाडौँ -मुकुन्द सिलवाल सामाजिक कार्य क्षेत्रमा लामो समय योगदान दिने व्यक्तिको रूपमा परिचित हुनुहुन्छ।वि.सं २०७० सालदेखि सर-सफाई अभियानको यात्राको सदस्यको रूपमा अघि बढ्नु भएलगत्तै उहाँको सामाजिक कार्य क्षेत्रको यात्रा सुरुवात भयो ।उहाँले एमसीसी विरुद्धको ८ दिनको पैदल यात्रामा सहभागिता रहेको उहाँले जानकारी दिनुभयो।
गुठी विधेयकको आन्दोलनको नेतृत्व, गैरन्यायिक विस्थापन विरुद्धको नेतृत्वदायी आन्दोलनमा उहाँको सहभागिता रहेको छ। यसैगरी भाषा, संस्कृति संरक्षण अभियान, वातावरण सरसफाई अभियान, भष्टाचार विरोधी नागरिक अभियानको समेत नेतृत्व गर्दै आफ्नो सामाजिक कार्यक्षेत्रको यात्रामा अघि बढ्नुभयो। लामो समय सामाजिक कार्यक्षेत्रको यात्रामा निरन्तर अघि बढनु भएका मुकुन्द सिलवालले देशको राजनीतिक अवस्थामा सुधार गर्न आवश्यक देख्दै अहिले मंसिर ४ गतेको निर्वाचनमा काठमाडौँ क्षेत्र नंम्बर ६ बाट प्रतिनिधिसभा सदस्यको निर्वाचनमा उहाँको उम्मेदवारी रहेको छ।
