Fast Nepal News

जेठ अन्तिमसम्म भित्रिन सक्छ मनसुन, तर देशभर औसतभन्दा कम वर्षा हुने

banner single news

२९ जेठ, काठमाडौँ – १८ जेठदेखि मनसुन अवधि सुरु हुने भनिए पनि नेपालमा औसतमा १३ जुनसम्म मनसुन भित्रिसक्नुपर्ने हो । गत वर्ष एक साताअघि नै मनसुन भित्रिएको थियो । मौसमविद् राजु प्रधानांगले १५ जुनसम्म मनसुन भित्रिन सक्ने अनुमान रहेको बताए । तर, यसपालिको मनसुनमा औसतभन्दा कम पानी पर्ने आकलन गरिएको छ ।

मौसम विभागले यसअघि बर्खायाममा पूर्व र मध्यनेपालका केही क्षेत्रबाहेकमा कम वर्षा हुने प्रक्षेपण गरेकामा २५ जेठमा संशोधन गर्दै मुलुकभर नै औसतभन्दा कम पानी पर्ने आकलन गरेको छ । प्रशान्त महासागरमा एलनिनोको अवस्था देखिएको र पछिल्लो समयमा पूर्वानुमानका मोडलमा पनि सुक्खाको अवस्था देखाएकाले देशभर नै कम पानी पर्ने अनुमान गरिएको वरिष्ठ मौसमविद् इन्दिरा कँडेलले बताइन् ।

उपत्यकालगायतका क्षेत्रमा वर्षा, २४ घन्टामा ५७ मापन केन्द्रमा वर्षा रेकर्ड
देशभर रहेका २५८  वर्षा मापन केन्द्रमध्ये पछिल्लो २४ घन्टामा ५७ वटामा वर्षा रेकर्ड भएको छ । जसमध्ये सबैभन्दा बढी दोलखामा ७४.४ मिलिमिटर वर्षा भएको छ । आइतबार राति काठमाडौं उपत्यका, मकवानपुरलगायतका क्षेत्रमा वर्षा भएको छ । सोमबार कोसी, बागमती र गण्डकीका केही क्षेत्रमा वर्षाको सम्भावना रहेको मौसम पूर्वानुमान महाशाखाले बुलेटिनमा उल्लेख गरेको छ ।

Inside Article Ads

मध्य र पश्चिम तराईमा तापक्रम पाँच दिन नघट्ने
राजु प्रधानांग, मौसमविद्

जलवाष्पयुक्त हावा पनि प्रवेश गरेको छ, जसले पूर्वी क्षेत्रमा हल्का वर्षा भइरहेको हो । तर, तत्काल ठूलो वर्षाको सम्भावना छैन । मधेसको पश्चिमदेखिको भूभागमा खासै बदली पनि छैन, त्यसैले तापक्रम घट्न नसकेको हो । आगामी पाँच दिन मध्य र पश्चिममा तापक्रम बढिरहने सम्भावना छ ।

समाचार नयाँ पत्रिकामा प्रकाशित छ।

Visited 5 times, 1 visit(s) today
Above Samachar
यो पनि पढ्नुस

प्रतिक्रिया

Your email address will not be published.