चक्रतिर्थ खानेपानी स्किम नम्बर–५ मा कोषाध्यक्ष पदमा निर्वाचित सन्दीप पाण्डे (दिनेश) ले उपभोक्ताप्रति आभार व्यक्त गर्दै गुणस्तरीय सेवा र पारदर्शी व्यवस्थापनको प्रतिबद्धता जनाएका छन्।
निर्वाचनमा प्राप्त समर्थनप्रति धन्यवाद दिँदै पाण्डेले भने, “यो जित केवल मेरो होइन, सम्पूर्ण उपभोक्ता परिवारको विश्वासको परिणाम हो। अब हामी सबैको साझा लक्ष्य—हरेक घरपरिवारमा गुणस्तरीय खानेपानी पुर्याउनु हो।”
उनले आर्थिक कारोबारलाई पूर्ण पारदर्शिता, इमानदारी र निष्ठाका साथ सञ्चालन गर्ने स्पष्ट प्रतिबद्धता व्यक्त गरे। साथै, उपभोक्ताबाट आउने सुझावलाई प्राथमिकताका साथ कार्यान्वयन गर्दै सेवा सुधारमा जोड दिने बताए।
पाण्डेका अनुसार, हरेक उपभोक्ताको समस्या छिटो समाधान गर्ने, सेवा प्रणालीलाई अझ प्रभावकारी बनाउने र शुद्ध खानेपानीको नियमित आपूर्ति सुनिश्चित गर्न निरन्तर पहल गरिनेछ।
उहाँले सबै उपभोक्तालाई एउटै परिवारका सदस्यका रूपमा लिँदै सामूहिक सहकार्यमार्फत खानेपानी व्यवस्थापनलाई सुदृढ बनाउने लक्ष्य लिएको बताएका छन्।
स्थानीयवासीले भने नयाँ नेतृत्वबाट व्यवहारमै परिवर्तन देख्न चाहेको प्रतिक्रिया दिएका छन्। खानेपानीजस्तो अत्यावश्यक सेवामा पारदर्शिता र गुणस्तर कायम हुन सकेमा यसले क्षेत्रीय विकासमा सकारात्मक प्रभाव पार्ने विश्वास गरिएको छ।