Fast Nepal News

चौथो न्युबिज बिजनेस वुमन समिट एन्ड अवार्डस् सम्पन्न

banner single news

यस बर्षको न्युबिज बिजनेस वुमन समिट एन्ड अवार्डस् कार्यक्रम देशभरिबाट छानिएका विभिन्न १२ जना उद्यमशील महिलाहरुलाई सम्मान र पुरस्कार प्रदान गरेर शुक्रबार काठमाडौंमा सम्पन्न भएको छ ।

सो अवसरमा “महिलाको व्यावसायिक नेतृत्वलाई सवलीकरण” विषयमा विज्ञहरुवीच प्यानेल छलफल पनि भएको थियो ।

न्यु बिजनेस एजले स्टान्डर्ड चार्टर्ड बैंक नेपाल लिमिटेडको सहयोगमा आयोजित सो कार्यक्रमको पहिलो भागका प्रमुख अतिथि नेपाल राष्ट्र बंैकका गभर्नर महा प्रसाद अधिकारी थिए ।

कार्यक्रमका अन्य प्रायोजकमा आइएमई लाइफ इन्स्योरेन्स, साल्ट ट्रेडिंग कर्पोरेशन, डोभ, सिटिजन लाइफ इन्स्योरेन्स, हिमालय एयरलाइन्स, कजरिया, एनएलजी इन्स्योरेन्स कम्पनी, ओमोडा ईभी, रिलायबल लाइफ इन्स्योरेन्स, महालक्ष्मी विकास बैंक, मुक्तिनाथ विकास बैंक, कृषि विकास बैंक थिए ।

यस्तै, जीवन बीमा पार्टनरको रूपमा आईएमई लाइफ रहेको थियो । त्यस्तै स्पेश फोर के टीभी पार्टनर थियो ।

काठमाडौंको द सोल्टी होटेलमा भएको सो कार्यक्रममा सार्वजनिक तथा नीजि क्षेत्रका ३०० भन्दा बढी विभिन्न उच्चस्तरीय व्यक्तित्वको उपस्थिति थियो ।

Inside Article Ads

व्यावसायिक महिलाहरुमा केन्द्रित यो कार्यक्रम न्यु बिजनेस एजले सन् २०२१ देखि वार्षिक रुपमा गर्दै आएको छ । न्यु बिजनेस एजले सन् २०२१ देखि नै यस्ता उच्चस्तरीय व्यावसायिक इभेन्टहरु गर्दै आएको छ जसमा कन्क्लेभ एन्ड कम्पनी अवार्डस्, स्टार्टअप समिट एन्ड अवार्डस् र विजनेस स्कूल रेटिंग र्यांकिंग एन्ड अवार्डस् वार्षिक रुपमा आयोजना भैरहेका छन् ।

यस बर्षको बिजनेस वुमन समिट एन्ड अवार्डस् कार्यक्रमको तयारीका रुपमा बुटवल र नेपालगन्जमा विद्यमान तथा इच्छुक महिला उद्यमीहरुलाई वित्तीय साक्षरता तथा उदमशीलता तालिम कार्यक्रम पनि गरिएको थियो जसमा २०० भन्दा बढीको सहभागिता थियो ।

शुक्रबार काठमाडौंमा सम्पन्न कार्यक्रम अन्तर्गत “महिलाको व्यावसायिक नेतृत्वलाई सवलीकरण गर्ने” विषयमा विज्ञहरुवीच भएको प्यानेल छलफलमा राष्ट्रिय योजना आयोगको आर्थिक व्यवस्थापन महाशाखाका प्रमुख तथा सहसचिव महेश भट्टराई, टिच फर नेपालकी प्रमुख कार्यकारी अधिकृत स्वस्तिका श्रेष्ठ, इम्पाक्ट हब काठमाडौंकी कार्यकारी निर्देशक पद्माक्षी राणाले व्यवसायिक नेतृत्वमा महिलाहरुको हालको स्थिति र अब गर्नु पर्ने कामका बारेमा आफ्नो विचार राखेका थिए ।

प्यानेल छलफलको सहजीकरण स्टार्टअप डिस्कभरी एशियाकी सह संस्थापक तथा कार्यक्रम प्रमुख समानता थापाले गरेकी थिइन् ।

Visited 5 times, 1 visit(s) today
Above Samachar
यो पनि पढ्नुस

प्रतिक्रिया

Your email address will not be published.