Fast Nepal News

साल्ट ट्रेडिङबाट दुई दिनमा ४५० बढि खुद्रा व्यापारीले लगे सस्तोमै चिनी, आज पनि सयौंको लाईन

banner single news

२२ कार्तिक,काठमाण्डौ -साल्ट ट्रेडिङ कर्पोरेशन लिमिटेडले खुद्रा व्यापारीहरुलाई चिनी बिक्री सुरु गरेपछि चिनीको बजार सर्वसुलभ बन्दै गएको छ। कर्पोरेशनले तिहारमा चिनीको अभाव कम गर्न आईतबारदेखि खुद्रा व्यापारी र मिठाइ पसलहरुलाई चिनी उपलब्ध गराउन थालेको हो । कर्पोरेशनले खुद्रा ब्यापारीहरुलाई ५० किलोका २० बोरासम्म चिनी बिक्रीवितरण गर्दै आएको छ । २ दिनमा कर्पोरेशनबाट ४५० भन्दा बढि किराना पसल तथा स्टोरहरुले चिनी खरिदगरि लगेका छन् । आज अर्थात बुधबार पनि सयौं व्यवसायीहरु कर्पोरेशनबाट चिनी किन्न लाईनमा बसेका छन् ।

कर्पोरेशनका विभागीय प्रबन्धक ब्रजेश कुमार झाले डिलरशिप नलिएका खुद्रा व्यापारीलाई व्यवसाय दर्ताको सक्कल प्रमाणपत्र र प्यान÷भ्याट दर्ता प्रमाणपत्रको प्रतिलिपि, पसल रहेको स्थान र मुख्य व्यक्तिको नाम तथा सम्पर्क नम्बरसहितको विवरणका आधारमा चिनी बिक्री गरिएको जानकारी दिनुभयो । कर्पोरेशनको कार्यालय कालिमाटीबाट प्रतिकेजी १ सय १२ रुपैयाँ ५० पैसामा चिनी बिक्री गरिएको विभागीय प्रबन्धक झाले बताउनुभयो । उहाँका अनुसार खुद्रा व्यवसायीले उपभोक्तालाई बढीमा १ सय १८ रुपैयाँ केजीमा सुलभ तरिकाले चिनी उपलब्ध गराउनुपर्नेछ।

Inside Article Ads

दैनिक रुपमा चिनी खरिद गरेर लाने पसलको विवरण वाणिज्य, आपूर्ति तथा उपभोक्ता संरक्षण विभागमा पठाइने कर्पोरेशनले जनाएको छ। व्यक्तिगत प्रयोजनका लागि भने कर्पोरेसनले प्रतिकेजी ९७ रुपैयाँमा बढीमा २ केजीका दरले चिनी उपलब्ध गराइरहेको ।विभागीय प्रबन्धक झाका अनुसार तिहारलाई लक्षित गरी एभरेष्ट चिनी मिलसँग ३ हजार टन चिनी खरिद गरी कर्पोरेशनले बिक्रीवितरण थालेको हो।

Visited 58 times, 1 visit(s) today
Above Samachar
यो पनि पढ्नुस

प्रतिक्रिया

Your email address will not be published.