ताप्लेजुङमा नेकपा एमालेका नेता योगेश भट्टराईको सुरुवातीअग्रता

६ मंसिर, काठमाडौँ- ताप्लेजुङमा मतगणना जारी छ। ताप्लेजुङमा प्रतिनिधिसभा तर्फको मतगणनामा नेकपा एमालेका योगेश भट्टराई सुरुवाती अग्रता लिनुभएको छ। फक्ताङलुङ गाउँपालिकाको याङ्मा र ओलाङचुङगोलाको १ सय ९ मत गणना हुँदा योगेशले ६८ मत प्राप्त गर्नुभएको छ।

नेकपा माओवादी केन्द्रका उम्मेदवार खेलप्रसाद बुडाक्षेत्रीले ३३ मत प्राप्त गर्नुभएको छ । यस्तै, राप्रपाका रामबहादुर कार्कीले २, जसपाका चन्द्र मादेनले १ र लोसपाका चैतन्य प्रकाश केदेमले १ मत प्राप्त गर्नुभएको छ । गणना भएको १ सय ९ मतमध्ये ४ मत बदर भएको छ। ताप्लेजुङ क्षेत्रको मतपरिणाममा नेकपा एमालेका उम्मेदवार योगेश भट्टराईले बहुमूल्य मतको साथ निर्वाचनमा विजयी हुन्छ कि हुँदैन त्यो भने हेर्न बाँकी नै छ।