न्युज नेपाल एचडी संवाददाता
१३ कार्तिक, काठमाडौँ-नेपालका उद्योगपति बिनोद चौधरीले नवलपुर क्षेत्र नंम्बर १ बाट प्रतिनिधिसभा सदस्यका लागि उम्मेदवारी दिनुभएको छ।१० पटक समानुपातिक सांसदको रूपमा रहनुभएका उहाँले प्रतिनिधिसभाको निर्वाचनमा जाँदा आफूले राजनीतिक दृष्टिकोणबाट फरक भएको बताउनुभएको छ।
जीवनको ४५ वर्षको औद्योगिक जीवन र अध्यात्मको यात्रामा आफ्नो जीवन व्यतीत गर्नुभएको उहाँले आफूले नेपाली कांग्रेसको राजनीतिमा पूर्णकालीन समय बिताउने बताउनुभयो।अबको दिनहरुमा व्यबसायिक जीवनबाट सन्न्यास लिएर परिवारको लागि आफू अभिभावकको रूपमा रहने धारणा व्यक्त गर्नुभयो।
नाम र दामको लागि मात्र नभई जनताको सेवा र देशको विकासको लागि नवलपुर क्षेत्र नम्बर १ बाट उम्मेदवारी दिएको विषयमा उहाँले आफ्नो महत्वपूर्ण धारणा व्यक्त गर्नुभयो। हरेक क्षेत्रको व्यक्तिहरु देशको विकास र परिवर्तनको लागि राजनीतिमा लाग्नुपर्ने समेत चौधरीले बताउनुभयो। आफूलाई जनताले निर्वाचित गराई गठबन्धनको नेतृत्वको सरकार भएमा ५ वर्षभित्र नै देशको विकास हुने र नेपाललाई सम्पन्न, स्वाभिमान राष्ट्रको रुपमा चिनाउन चाहेको विषयमा समेत उहाँले बताउनुहुँदै आग्रामी निर्वाचनमा बहुमूल्य मतको साथ विजय गराउन सबैलाई आग्रह गर्नुभयो।
