रवि लामिछानेको नेतृत्वमा राष्ट्रिय स्वतन्त्र पार्टी घोषणा

काठमाडौं ─ ०७ असार २०७९

काठमाडौं, पत्रकारिता छोडेर राजनीतिमा आउनुभएका रवि लामिछानेले राष्ट्रिय स्वतन्त्र पार्टी घोषणा गर्नुभएको छ । मंगलबार काठमाडौंको राष्ट्रिय सभागृहमा आयजित घोषणा सभामा लामिछानेले नयाँ पार्टीको नाम घोषणा गर्नुभएको हो ।

पार्टीको चुनाव चिन्ह घण्टी प्रस्ताव गरिएको छ भने कार्यालय काठमाडौंको बसुन्धरामा रहनेछ । पार्टी दर्ताका लागि मंगलबार नै निर्वाचन आयोगमा निवेदन दिने लामिछानेले बताउनुभयो ।