म्याग्दी — २८ पुस २०७८
म्याग्दी , जिल्ला कोभिड–१९ संकट व्यवस्थापन समन्वय केन्द्र (डीसीसीएमसी) ले जिल्लामा कोरोना संक्रमितको संख्या न्यून रहेकाले तत्काल विद्यालय बन्द नगर्ने निर्णय गरेको छ । सीसीएमसीसीको सिफारिसमा शिक्षा मन्त्रालयले बुधबारदेखि माघ १५ सम्म देशभरका विद्यालय बन्द गर्ने निर्णय गरेको थियो ।
मंगलबार जिल्ला प्रशासन कार्यालयमा बसेको डीसीसीएमसीको बैठकले पहिलो चरणमा कोरोना संक्रमणबाट जोगिन सावधानीसम्बन्धी प्रचारप्रसार गर्ने, होटल, रेस्टुरेन्ट, कार्यालयलगायत सार्वजनिक स्थलमा खोप कार्ड अनिवार्य गर्ने, मेला, महोत्सव, भेला, सम्मेलनमा रोक लगाउने र खोप लगाउन छुटेका १२ वर्षमाथिका सबैलाई खोप लगाउने निर्णय गरेको प्रजिअ चिरञ्जीवी रानाले बताए ।
( कान्तिपुर दैनिक )
Visited 4 times, 1 visit(s) today