पर्सामा ४५ प्रतिशतले पाए पूर्ण खोप

पर्सा — २६ पुस २०७८

पर्सा , कोरोनाको दुवै लहरमा हटस्पट बनेको पर्सामा ४५ प्रतिशतले कोरोनाविरुद्धको दुवै डोज खोप लगाएका छन् । जिल्ला स्वास्थ्य कार्यालयका खोप अधिकृत जयमोद ठाकुरका अनुसार, जिल्लामा ४५ दशमलव २ प्रतिशतले कोरोना खोपको दुवै डोज लगाइसकेका छन् । यसबाहेक ६८ प्रतिशतले पहिलो डोज लगाएका छन् । जिल्लामा कुल खोप लगाउनुपर्ने जनसंख्या ४ लाख ४५ हजार ३ सय ६८ रहेको उनले बताए । ‘हाल पनि वयस्कहरूलाई भेरोसेल खोप दिइँदै छ,’ उनले भने, ‘यसबाहेक २६ हजार स्कुले विद्यार्थीलाई लक्षित गरी आइतबारदेखि नै जिल्लाका विद्यालयहरूमा मोडर्ना खोप दिन सुरु गरिएको छ ।’