नाकामै खोप दिने तयारी

टीकापुर — २३ पुस २०७८

टीकापुर , कैलालीको पूर्वी क्षेत्रमा कारोना संक्रमण रोकथामका लागि सीमा नाकामा भारतबाट भित्रिनेको परीक्षण सुरु गरिएको छ । संक्रमण रोकथामका लागि सचेतना कार्यक्रम पनि थालिएको छ । नेपाल—भारत सीमा नाका खक्रौलामा आउजाउ गर्ने नेपालीलाई नाकामै खोप लगाइने टीकापुर नगरपालिका स्वास्थ्य शाखा प्रमुख बलबहादुर रावलले बताए । उनकाअनुसार सीमा नाका खक्रौलामा अहिले पनि हेल्थ डेस्क राखिएको छ । सम्भवत शनिबारबाट खोप लगाउन सुरु गरिने उनले बताए । टीकापुरमा १८ वर्ष माथिकालाई खोप लगाइएको छ । करिब ६० प्रतिशत जनसंख्यालाई खोप लगाइसकिएको रावलले बताएका छन् ।