काठमाडौँ — २३ पुस २०७८
काठमाडौँ , नेकपा एमालेले शुक्रबार ६१ जिल्लामा अधिवेशन गर्ने भएको छ । अध्यक्ष केपी शर्मा ओलीले बिहान ११ बजे केन्द्रीय कार्यालयको एक्सन रूमबाट एकैसाथ भर्चुअल उद्घाटन र सम्बोधन गर्ने कार्यक्रम रहेको एमालेले जनाएको छ । १६ जिल्लामा भने प्रतिकूल मौसम र आन्तरिक तयारी नपुगेको भन्दै अधिवेशन रोकिएको छ । प्रदेश २ को सप्तरीबाहेकका ७ जिल्लामा आन्तरिक तयारी नपुगेका कारण अधिवेशन रोकिएको हो । त्यस्तै रोल्पामा जिल्ला सचिव निमप्रसाद रोकाको निधन भएकाले अधिवेशन स्थगित भएको छ । संखुवासभामा अध्यक्ष केपी शर्मा ओलीको उपस्थितिमै पुस २६ गते अधिवेशन गर्ने तयारी एमालेले गरेको छ ।
त्यस्तै प्रतिकूल मौसमका कारण मनाङ, मुस्ताङ, हुम्ला, रुकुम पूर्व, कालीकोट, बझाङ र मुगुमा पनि बिहीबार अधिवेशन नहुने एमालेले जनाएको छ । जिल्ला तहमा पनि सकेसम्म सर्वसम्मत नेतृत्व चयनका लागि पहल गर्न केन्द्रले निर्देशन दिएको छ । जिल्ला तथा प्रदेश अधिवेशनका लागि दसौँ राष्ट्रिय महाधिवेशनको लागि निर्धारण गरिएका पार्टी सदस्यलाई नै आधार बनाउन एमालेले सर्कुलर गरेको छ । जिल्ला अधिवेशन सकिएलगत्तै प्रदेश सम्पर्क कमिटी र प्रदेश संगठन कमिटीको अधिवेशनको तयारी थाल्ने एमालेले जनाएको छ । एमालेको प्रदेश अधिवेशन भने माघ ८ गतेका लागि तोकिएको छ ।
( कान्तिपुर दैनिक )
Visited 4 times, 1 visit(s) today