काठमाडौँ — २६ कात्तिक २०७८
काठमाडौँ , सर्वोच्च अदालत बार एसोसिएसनका अध्यक्ष पूर्णमान शाक्यले चोर बाटोबाट अदालत छिर्ने प्रधानन्यायाधीश चोलेन्द्र शमशेर जबराले कसरी न्यायालय चलाउन सक्छन् भन्दै प्रश्न गरेका छन् । उनले भने, ‘आज चोरबाटोबाट छिर्नुभयो, बारमा विचौलिया छिराउनुभयो त्यसको भत्सर्ना गर्छौं । आज चोरबाटोबाट छिर्नुभयो । आजै आफ्नो हिसाब मिलाउनुहोस्, छोड्नुहोस् । पछि चिच्याउने अवस्था पनि पाउनुहुन्न । न्यायको मन्दिर भत्कियो भने न्याय डगमगायो भने सत्ता पल्टाउने क्षमता कानुन व्यावसायीसँग छ ।’
शुक्रबार प्रधानन्यायाधीश जबरा सर्वोच्च प्रवेश गर्ने नियमित गेटभन्दा फरक गेट प्रयोग गरेर अदालत प्रवेश गरेका थिए । नेपाल बारका पदाधिकारी तथा वकिलहरुले अदालतको मुख्य गेट अगाडी बसेर धर्ना दिँदै प्रधानन्यायाधीश जबरालाई प्रवेशमा रोक लगाएका थिए । करिब ११ बजेतिर सर्वोच्चमा आएका प्रधानन्यायाधीश जबराले महान्यायधिवक्ताको कार्यालय नजिकैको गेट प्रयोग गरेर अदालत प्रवेश गरेका थिए ।
( कान्तिपुर दैनिक )
Visited 15 times, 1 visit(s) today