लण्डन – ३१ श्रावण २०७८
लण्डन, ब्रिटिस भेट्रान्सहरुले गोर्खा आन्दोलनमा ऐक्यबद्धता जनाउँदै प्रदर्शन गरेका छन् । विगत ८ दिन देखि आमरण अनसन बसिरहेका गोर्खाहरुलाई साथ दिँदै ब्रिटिस भेट्रान्सहरुले प्रदर्शन गरेका हुन् । सेन्ट्रल लण्डनको ट्राफलगर स्क्वायरदेखि मार्चपास गर्दै भेट्रान्सहरु बेलायती प्रधानमन्त्री कार्यालय हुँदै संसद् भवनसम्म पुगेका थिए ।
सो क्रममा गोर्खाहरुले एकै साथ ताली बजाएर धन्यवाद दिए ।’ब्रिटिस भेट्रान्स र नागरिकहरुको साथले हामीलाई थप उर्जा मिलेको छ,’ गोर्खा सत्याग्रह संघर्ष समितिका प्रमुख संयोजक कृष्णबहादुर राईले भने । राईले आइतबार सत्याग्रहकै आह्वानमा प्रधानमन्त्री कार्यालय अगाडि प्रदर्शनको तयारी भएको पनि जनाए ।
Visited 8 times, 1 visit(s) today