काठमाडौँ — १७ श्रावण २०७८
काठमाडौँ, गृहमन्त्री बालकृष्ण खाँणलाई मेलम्ची खोला वरपरका बस्ती सार्नुको विकल्प नभएको हेलम्बु गाउँपालिकाका अध्यक्ष निमा ग्याल्जेन शेर्पाले जानकारी गराएका छन् । शनिबार राति मेलम्चीमा गएको बाढी र पहिरोको उद्गमस्थलको हेलिकप्टरबाट अनुगमन गरेपछि अध्यक्ष शेर्पालगायतले गृहमन्त्री खाँणलाई उक्त अवस्थाको जानकारी गराएका हुन् ।
मेलम्चीको पानीले उक्त चौरमा करिब २ सय मिटर उचाइका ढिस्का तयार पारेको र ती पनि बग्ने क्रममा रहेका शेर्पाले बताए । ‘पानीमा लेदो बग्दै आइरहेको छ । अझै रोकिने अवस्था छैन । पानी परेमा झन् खतरा छ,’ उनले थपे ।तत्कालका लागि मेलम्ची नदी किनारका बस्ती सार्ने तयारी भइरहेको शेर्पाले जानकारी दिए ।
(कान्तिपुर दैनिक)