Fast Nepal News

उपभोक्ताको स्वास्थ्यमा खेलवाड गर्दै होलीडे मिनरल वाटर

banner single news

माधब पौडेल
तनहुँ, भदौ १७

तिर्खाएर पसलमा मिनरल वाटर किन्न जाँदा पैसा तिरेर किनेपछि सिल फोर्न लाग्दा बोतल भित्र लेदो नै लेदो देख्दा तपाई के गर्नुहुन्छ ? तिर्खाको प्यास भुलेर अलमल परिन्छ नि धेरैको यस्तै उत्तर हुन्छ । त्यस्तै अलमल पर्नुभयो तनहुँ दमौली बजारका अजित पन्थ । यसरी पन्थले बोतल भित्र लेदो र फोहोर भेटेको मिनरल वाटर हो दमौलीको चिरपरिचित होलिडे मिनरल वाटर । जुन मिनरल वाटर रातो स्टिकर सहित बजारमा बिक्री वितरण भइरहेको छ ।
व्यास नगरपालिका वडा नं १ तालघरेमा आफ्नो प्रसोधन केन्द्र राखेर संचालनमा आएको होलिडे मिनरल वाटरको बजारमा बिक्री वितरण भइरहेको पानी प्रदुषित भईरहेको समाचार आईरहदा र आफुले उक्त बोटल सुरक्षित रुपमा राख्दा पनि उपभोक्ताको र समाजको हकहितको लागि काम गर्छौ भन्ने संस्थाहरु बुझ्नको लागि न आएको पन्थको भनाई छ ।
व्यापार व्यवसायको मुल उद्देश्यबाट बिचलित भएर वा असावधानीवस समय समयमा बजारमा उपभोक्ताको स्वास्थ्यमा असर पार्ने पानी तथा खाद्य सामग्रीहरु भेटिदा पनि सम्वन्धित निकायको मौनतालाई आम उपभोक्ताले अचम्म मानेर नियालीरहेका छन् । यतिवेला न त स्थानीय निकायहरु अनुगमन र उपभोक्ता हितको संरक्षणको लागि जागेका छन् न त जिल्ला प्रशासन कार्यालय कारवाहीको लागि तम्सेको छ ।

Inside Article Ads
Visited 3 times, 1 visit(s) today
Above Samachar
यो पनि पढ्नुस

प्रतिक्रिया

Your email address will not be published.