सोमबारदेखि खोप

विराटनगर —  ११ श्रावण २०७८

विराटनगर, प्रदेश १ मा सोमबारदेखि कोरोनाविरुद्धको खोप लगाइने भएको छ । प्रदेश स्वास्थ्य निर्देशक ज्ञानबहादुर बस्नेतले सुनसरीबाट ५५ वर्ष माथि उमेरकालाई सोमबारदेखि खोप लगाउन थालिने बताए ।‘सरकारले चीनबाट खरिद गरेको भेरोसेल खोप प्रदेश सरकारले आफूमातहतका १४ वटै जिल्लामा सोमबारसम्ममा पठाइसक्छ,’ उनले भने, ‘भेरोसेल खोप लगाइसकेपछि अमेरिका सरकारले अनुदानमा उपलब्ध गराएको जोन्सन एन्ड जोन्सन कम्पनीको खोप ५० वर्ष माथि उमेर समूहकालाई लगाउने छौं ।’