भोलि अर्थात शुक्रवारदेखि प्रदर्शनमा आउन लागेको चलचित्र ‘देवी’ को बुधवार रेडकार्पेट प्रीमियर शोको आयोजना गरिएको छ ।
प्रीमियर शोमा चलचित्र हेर्न कमलपोखरी सिटी सेन्टरस्थित बिग मूभिज हलमा चलचित्रकर्मी तथा पत्रकारको उपस्थित रहेको थियो । चलचित्र हेर्न अभिनेता कर्मा शाक्य, गजित बिष्ट, विशाल पहारी, अभिनेत्री मेनुका प्रधान, सृष्टि श्रेष्ठ, लुनिभा तुलाधर र निर्देशक सौरभ चौधरीका साथमा ‘देवी’ का मुख्य कलाकारहरु शिल्पा मास्के, नाजिर हुसेन, गौरव पहारी, निरिक्षा घतानी र निर्देशक संजोग राई लगायत हल पुगेका थिए ।
प्रीमियरमा चलचित्र हेरेका अधिकांशले उत्कृष्ट बनेकाले यो चलचित्र ठूलो माससम्म पुग्न आवश्यक भएको प्रतिक्रिया दिएका छन । चलचित्र हेरेपछि निर्देशक सौरभ चौधरीले चलचित्र निकै राम्रो बनेको भन्दै ‘देवी’ जस्तो कन्टेन्ट बेसको चलचित्र निर्माण गर्ने हरेक मेकरको सपना हुने बताएका छन् ।
चलचित्रमा शिल्पा मास्के, गौरव पहारी, नाजिर हुसेन, टीका पहारी, प्रभाकर न्यौपाने, ध्रुब कोइराला, निरिक्षा घतानी, विशाल पहारी, निरु खड्का, जीवन जंग खड्का र विकास पन्तको अभिनय रहेको छ । सन्जेन थापाको चलचित्रमा एक्सन रहेको छ ।
रेमन गुरुङ र सञ्जोग राईको निर्माण रहेको चलचित्रको कार्यकारी निर्माता जावेद खान तथा सह–निर्माता शिल्पा मास्के, उजेन नोर्वे गुरुङ, नारायण गुरुङ र मिलन लामा हुन् । जोएल फ्रोमको डिओपी रहेको चलचित्रलाई मनोज राठी र उज्वल पौडेलले वितरण गर्दैछन् ।