डायमण्ड जोशी।
काठमाण्डौ। जोरपाटीस्थित नेपाल मेडिकल कलेजले एक सुचना जारी गर्दै भनेकाे छ, अस्पतालमा भएको अक्सिजनले साँझ ४ बजेसम्मलाई मात्र पुग्छ त्यसैले विरामिहरूले त्यसअगावै आ–आफ्नो व्यवस्था गर्न संवन्धित पक्षलाई आग्रह गरेकाे छ । अक्सिजन उपलब्ध हुन नसक्ने भएकाले बिरामीलाई डिस्चार्ज गर्न लागिएको जानकारी नगरपालिका, प्रहरी र स्वास्थ्य मन्त्रालयलाई समेत गराएको सूचनामा उल्लेख गरिएको छ । एक संक्रमितका अाफन्तका अनुसार , यस्ताे सुचना अाएपछि उपचाररत कोरोना संक्रमित र उनका आफन्तमा त्रास उत्पन्न भएको छ ‘राति पनि अक्सिजन चाहिनेजति नदिएको र बिहान त अक्सिजनै सकिने सूचना आए पछि अस्पतालमा हाहाकार नै मच्चिएको छ ।
अस्पतालका निर्देशक डा. राजेशकिशोर श्रेष्ठका अनुसार,
नेपाल मेडिकल कलेजको अस्पतालमा अक्सिजन सपोर्टमा ९९ संक्रमित उपचाररत थिए । भनसुन गरेर र पालो कुरेर बल्ल बेड पाएकाहरू धेरै थिए । उक्त सूचनापछि बन्दोबस्त मिलाएर २२ जना अन्यत्रै गएका छन् । जसमा आईसीयूमा उपचाररत एक जना कोरोना संक्रमित पनि छन् । संक्रमितको संख्या हरेक दिन बढे पनि अक्सिजन पाउनै समस्या भएपछि भर्ना भएका बिरामीलाई पनि डिस्चार्ज गर्नुपर्ने अवस्थामा पुगिएकाे वताउनु भयाे।