गुठी आन्दोलनदेखि प्रवक्ता पदसम्म! रबिन्द्र कुमार श्रेष्ठको यात्रा

काठमाडौं — स्वदेशवाद, बहुल राष्ट्रवाद र सामुदायिक समाजवादका पक्षमा लामो समयदेखि संघर्षरत नेता रबिन्द्र कुमार श्रेष्ठ राष्ट्रिय मुक्ति पार्टी नेपालको प्रवक्तामा सर्वसम्मत रूपमा चयन भएका छन्।

श्रेष्ठले गुठी आन्दोलन, खोकना विद्रोह, गैरन्यायिक सडक विस्तार, र नागरिक अधिकारका सवालमा अग्रणी भूमिका निर्वाह गर्दै आएका छन्। उनी आत्मनिर्भर राष्ट्र निर्माणका कट्टर समर्थकका रूपमा परिचित छन्।

विगत डेढ दशकदेखि नागरिक आन्दोलनका अगुवा अभियन्ता रहेका श्रेष्ठप्रति जनता र समर्थकहरूले प्रवक्ता पदमा रहँदा अझ प्रभावकारी रूपमा आवाज बुलन्द गर्ने अपेक्षा राखेका छन्। सामाजिक न्याय, राष्ट्रिय स्वाधीनता र सामुदायिक स्वशासनका मुद्दामा स्पष्ट र दृढ धारणा राख्दै आएका उनले अब पार्टीको विचार र नीति जनतासम्म पुर्‍याउने जिम्मेवारी सम्हाल्नेछन्।